Վատիկանեան տեղեկութիւններ`
Քահանայապետական նշանակումներ Արեւելեան եկեղեցիներու
ժողովին համար։
Պենետիկտոս ԺԶ Քահանայապետը երկու նոր խորհրդատուներ նշանակեց Արեւելեան եկեղեցիներու ժողովին համար. գերապայծառ Քրիստօ Բրոյքով եւ գերյարգելի Միթրաթթօ վասիլ Հովերայ
Հայր Մաթթէօ Ռիչիի ի պատիւ՝ հանդիսութիւններ։ Իտալիոյ Մաչերաթա մարզը մեծ հանդիսութիւններ ծրագրած է կատարել յիսուսեան միաբան՝ հայր Մաթթէօ Ռիչիի ի պատիւ։ Ան եղած է Չինաստանի մեծ առաքեալը։ Մաչերաթա թեմի առաջնորդին ուղղած նամակին մէջ, Պենետիկտոս ԺԶ Քահանայապետը որակած է յիսուսեան այս հայրը, ՜՜այսօրուայ Եւրոպա-Չինաստան յարաբերութեան տիպար առաքեալը՝՝։ Այս արի յիսուսեան վարդապետը իր կեանքին երկար տարիները նուիրած է հիւսելով պտղաբեր երկխօսութիւն մը Արեւելքի եւ արեւմուտքին միջեւ։
Միջկրօնական երկխօսութեան խորհուրդի նախագահը կարտինալ Ժան Լուի Թոռան, ներկայիս Յորդանան կը գտնուի, մասնակցելու՝ Ամմանի միջկրօնական հաստատութեան ժողովին, 18 Մայիսէն 20-ը։ Ապա կարտիինալ Թոռան պիտի խորհրդակցի միջին Արեւելքի միջկրօնական հարցերու խորհրդատուներու հետ, միշտ Յորդանանի մայրաքաղաքին մէջ Մայիս 21-23։
| All the contents on this site are copyrighted ©. |